Xiaomi SU7 көп жүрмей-ақ «жылжымайтын мүлікке» айналды

Қытайдың әлеуметтік желісінде және БАҚ-та әйгілі Xiaomi SU7 электромобилінің иесімен болған оқиға талқыға түсті. Автомобильді Фуцзянь провинциясындағы жеткізу орталығынан алған соң, небәрі 39 шақырым жүрген Вэнь мырза SU7-де көлікте ақау бар, қызмет көрсету орталығына жүгініңіз деген хабарландыру шыққанын айтты. Бірақ бұдан нәтиже болмай, Вэнь ақыры электрокарынан айырылып қалды.

Cатып алушының айтуынша SU7 жүріп келе жатып, кенеттен фарасы жыпылықтап, қызметтік ескерту көрсете бастаған. Электромобиль бұғатталатынын ескертіп, жол жиегіне шұғыл тоқтауды және күштік құрылымында ақау бар деп сервис орталығына хабарласуды ұсыныпты.

Қызмет көрсету орталығынан еш пайда болмаған. Xiaomi қызметкерлері мәселені қашықтан анықтай алмады. Нәтижесінде Xiaomi электромобильді білікті мамандардың көмегімен ақаудың себебін анықтау үшін зауытқа жіберді. Бренд проблеманың жүйелі болуы мүмкін екенін және мұқият зерттеуді қажет ететінін атап өткен.

Компания Вэньге электрокардың құнын төлеп, кеткен шығынды өтеуге уәде берді, бірақ көлікті айырбастаудан бас тартты. Қытайда SU7 үшін кезек үлкен, артық экземпляр жоқ. Xiaomi 88 мыңнан астам өтінім алғанмен, өндірістің максимал қарқыны айына тек 10 мың электрокармен шектеледі.