Қытайда Xiaomi SU7 электроседаны трассаның бетон қоршауына соғылып, үш адам қаза тапты. Оқыс оқиғаға борттық электронды көмекшілер жүйесі кінәлі деген ақпарат тараған, бірақ компания құрылғыдан алынған дерек мұны растамағанын хабарлады.
Оқиға Қытайдың Анхой провинциясында болды. Электрокар 97 км/сағ жылдамдықпен келіп жатып, жол жөнделіп жатқан аумақтағы бағанаға соғылған. Расталмаған ақпарат бойынша апаттан кейін SU7 өртеніп, есіктері құлыптанып қалған, жолаушылар шыға алмай қалыпты.
Xiaomi өкілдері SU7 есігі энергия көзі толық ажыраған кезде де жұмыс істейтін механикалық тұтқамен жабдықталғанын мәлімдеп, жол апатынан кейін седан есігі өздігінен құлыптанып қалды деген мәлімет жоқ деді. Компания автомобильдің өзінен алған деректерді негізге алып, апат алдындағы жағдайлардың толық хронологиясын жариялады.
Апатқа дейін SU7 электрониканың басқаруымен (жол апатына қарапайым электронды көмекшілер жинағымен жабдықталған электрокар түскен) 116 км/сағ жылдамдықпен жүріп келе жатқан. Жол жөнделіп жатқан аумаққа жақындағанда электроника кедергіні байқап, жүргізушіге қауіп белгісін берген. Ол рөлді өз қолына алып, кедергіні айналып өтуге тырысқан, бірақ жылдамдықты бәсеңдетіп, қауіптен құтылып үлгермеген сияқты. Машина соғылған соң «дабыл батырмасы» іске қосылып, шұғыл көмек қызметін шақырыпты. Компания автомобиль иесіне хабарласып, оның салонда болмағанын анықтаған.
Xiaomi тергеушілер бірге жұмыс істейтін жеке топ құрып, оқиға орнына жібергенін хабарлады. Компания бас директоры Лэй Цзюнь процесті барынша ашық жүргізуге ниетті екенін айтты.
Бұған дейін Tesla электромобильдері бірнеше мәрте осыған ұқсас жағдайға ұшыраған, арасында кісі өліміне себеп болған апаттар да бар. Тәуелсіз сарапшылар
Комментариев: 0