Ресей-Украина қақтығысына байланысты санкция салынып, логистика мәселесі туындағандықтан Калуга мен Нижний Новгородтағы Volkswagen және Škoda зауытының жұмысы биыл наурызда тоқтаған. Әрі кәсіпорын конвейері жақын арада іске қосылмайтын секілді.
Бірқатар ресейлік БАҚ «Фольксваген жеңіл автомобиль» компаниясының басшысы Михаэль Арндттың марка дилеріне жазған хатына қол жеткізді. Оның айтуынша жағдай тұрақсыз болғандықтан 2022 жылы Ресейдегі зауыттың жұмысын қалпына келтіру жайлы қандай да бір жоспар құруға мүмкіндік жоқ. Бірақ топ-менеджер компания Ресейдегі жұмысын Renault сияқты толығымен тоқтатуға асықпайтынын айтты.
Сонымен қатар ол дилерлерге машина жөндеуге арналған автобөлшекті де ұзақ күтуге тура келетінін ескертті. Себебі — сол баяғы санкция мен логистика мәселесі.
Ресейде өндірістің тоқтауы Қазақстанға да әсер етті. Біздің елге Нижний Новгородта шыққан Volkswagen Taos және Калугада жасалған Polo мен Tiguan жеткізілетін.
Комментариев: 0