Қытайдағы SAIC-Volkswagen бірлескен кәсіпорны клиент тартудың ерекше тәсілін ойлап тапты. Volkswagen іштен жанатын қозғалтқышы бар Tharu, Tiguan L Pro немесе Teramont Pro модельдерін сатып алған клиентке шексіз кепілдік береді. Дегенмен бір шарт бар: иесі автомобильді басқа адамға сатып жіберсе, компания кепілдік міндеттемесінен бас тартады.
Көліктің жүрген шақырымына немесе пайдалану уақытына байланысты шектеу жоқ және қозғалтқыш, беріліс қорабы, аспа, рөл механизмі сияқты негізгі агрегаттарын қамтиды. Тек ресми дилерден техникалық қызмет алуы керек.
Ұсыныс Қытайдағы автосалондарда 30 сәуірге дейін қолжетімді.
Комментариев: 0