Өзбекстан президенті Шавкат Мирзиёевтің АҚШ-қа сапары барысында екі ел сауда-экономикалық ынтымақтастықты дамыту, соның ішінде автоөнеркәсіпті кеңейту туралы келісімге қол қойды.
Avtoelon.uz хабарлағандай, келіссөз нәтижесінде Өзбекстанға жалпы сомасы 5 млрд доллар болатын автокомпонент жеткізілетін болды, сондай-ақ қос тарап 2026 жылы UzAuto Motors-ты жекешелендіру процесіне америкалық компанияларды тарту мәселесін талқылады. Бұл UzAuto-мен 2008 жылдан бері серіктес болып келе жатқан General Motors концерніні қатысты әңгіме екені анық.
UzAuto-ның халі нашарлап барады, осы жағдай тізгінді америкалық компанияға қайтаруға себеп болып отыр. Бір кездері салада даусыз монополист болған компания кейінгі кезде өз позициясын жоғалта бастаған. Gazeta.uz дерегіне сенсек, биыл алғашқы жарты жылда UzAuto шығаратын Chevrolet-нің (Cobalt, Tracker және Onix модельдері) нарықтағы үлесі 89.4-тен 82.7 %-ға азайған. Ал ADM Jizzakh жеке компаниясының (Kia, Chery және Haval маркалары) үлесі 6.5-тен 11.1 %-ға өсті. Нарыққа жаңа келген BYD өз үлесін бір жылда 3.8-ден 5.7 %-ға арттырып отыр.
UzAuto Motors-тың жаңа бас директоры Янош Ковач стратегияны түбегейлі өзгерту қажет деді. Оның сөзінше сегіз жаңа модель пайда болады, оның бірі — Cobalt-тың жаңарған нұсқасы.
Комментариев: 0