Subaru электромобильге инвестиция құймайды

Subaru 2030 жылға дейін электрокар шығаруға 10 млрд доллар жұмасамақ болған. Nikkei басылымы хабарлағандай, қазір электромобиль нарығы бәсеңдеп, әлемдік экономика, соның ішінде АҚШ-тың тариф саясаты өзгергендіктен, компания жоспарын қайта қарап жатыр. Соның нәтижесінде Subaru электрокар бағытынан бас тартып, гибрид күштік құрылымы бар машина өндірісіне басымдық беруі мүмкін.

Басылым жоспар өзгергенін Subaru бас директоры Асуши Осаки растады деп жазды. Бірақ ол электрлі өнімдерге қатысты жаңа жоспар Subaru-дың электрокарға байланысты қысқа мерзімді жобаларына әсер етпейтінін айтқан. Яғни Subaru қазір Toyota-мен бірге шығарып жатқан батареялы кроссоверлерінен және келер жылы нарыққа шығатын төртінші моделінен бас тартпайды.

Бұған дейін Subaru Toyota-мен бірлескен жоба мәресіне жеткен соң өз бетінше электромобиль жасап, онжылдық аяқталғанша тағы төрт модель ұсынуға ниетті еді. Енді бұл ойынан айнып қалған сияқты. Компания гибридтер топтамасын жаңа тиіпті жүйелермен толықтырады деген болжам бар. Электрлі күштік құрылымды ең алдымен биыл көктемде жаңарған Outback моделіне орнататын шығар.

Компания қаржылық жағдайы ойдағыдай емес екенін растап отыр. Ресми болжам бойынша биыл таза пайда екі есе төмендеуі ықтимал. Сондықтан Subaru әлемдегі өзге өндірушілер сияқты қатаң үнемдеу режиміне көшті.