Жартылай өткізгіш жетіспеушілігі және логистика саласында қиындық туындағанын айтып, кешірім сұрай отырып, «UzAuto Motors» компаниясы Nexia, Spark, Cobalt және Lacetti модельдеріне тапсырыс қабылдауды тоқтатуға мәжбүр болғанын мәлімдеді.
Бұл үзіліс биыл 20 желтоқсаннан 2022 жылы 1 ақпанға дейін жалғасады. Осы уақыт аралығында бұған дейін алынған тапсырыстар орындалады және асығыс жұмыс өнім сапасына әсер етпеуі үшін автомобильдер толық жабдықталады.
Сондай-ақ өзбекстандық автоөндіруші бірнеше модельді кері қайтаратынын хабарлады. Сервистік кампания 2021 жылы 5-17 желтоқсан аралығында шығарылған Nexia, Cobalt және Lacetti көліктерін қамтиды. Сервиске шақырылған машиналардың артқы әйнек жылытқышы тексеріледі. Аталған көлік иелері дилерге немесе компанияның өзіне хабарласса болады. Барлық жұмыс дилердің жөндеу базасында тегін істеледі.
Комментариев: 0