АҚШ-тағы NHTSA Audi 28.6 мың модельді сервиске шақыратынын хабарлады. Көлік көп емес, бірақ сервистік кампания 1997-1998 жылы шыққан машиналарды қамтиды. Мұнда сөз 1976 дана A4 пен 26 648 A8 туралы болып отыр. Автоөндірушінің мұндай шешім қабылдауына қауіпті эйрбэг себеп болды.
Қолда бар дерек бойынша мәселе ішінде тұрақты емес химиялық қоспасы бар инфляторда екен. Ылғал деңгейі жоғары кезде қауіпсіздік жастығы іске қосылса, күтпеген реакция салдарынан инфлятор корпусы жарылып, жүргізушінің бетіне металл бөлшектер шашырауы мүмкін.
Audi A4 пен A8 ертерек тексерістен өтуі керек еді, алайда құжаттағы қатеге байланысты қалып қойған. Енді автоөндіруші көлік иелерін сервиске шақырып, қауіпсіздік жастығын тегін ауыстырып береді.
Комментариев: 0