BMW төрт X5-ті сервиске шақырады

NHTSA агенттігі BMW АҚШ-та кроссовердің 2022 жылдың қарашасында шыққан төрт нұсқасы: sDrive40i, M40i және екі xDrive 45e-ні сервиске шақыратынын хабарлады. Ақау жүргізуші орындығынан шыққан. Мамандар арқасындағы бұранда дұрыс бекітілмеген деп күдіктенеді.

Компания мәселе барын былтыр желтоқсанда білген. Жеткізушілердің бірі құрастыру алаңынан арқасы дұрыс бекітілмеген орындық көріпті. Тексеріс кезінде бағдарламаны жаңартқанда тарту моменті белгіленетін кестеден қате кеткені анықталды.

Ақау жойылмаса жүргізушінің өміріне үлкен қауіп төндіреді. Жол апаты болғанда кресло жүктемеге шыдас бермей, бүктеліп қалуы мүмкін. Марка кампанияға қатысатын көлік иелерін биыл ақпанда сервистік орталықтарға шақырады.