Тиісті бұйрықты ҚР Экология, геология және табиғи ресурстар министрлігі әзірледі. Құжатқа сәйкес, аталған төлемдер шотына түсетін «Оператор РОП» ЖШС-і ақшаны «экологиялық таза көлік құралдарына арналған компоненттерді шығаратын зауыттардың құрылысына бағыттай алады».
Осылайша, елде экологиялық автокөліктер (Еуро-4 және одан жоғары классты, сондай-ақ электрлі қозғалтқышы бар) өндірісін ынталандыру әдістері көбейеді. Қазіргі таңда, экологиялық кодексте жазылғандай, утилизациялық алым түрінде жиналатын қаражат экологиялық автокөліктер шығарумен байланысты сынақтар өткізуге, ғылыми-зерттеу жұмыстары мен тәжірибелік-құрылымдық әзірлемелер дайындауға, сонымен қатар ескі көліктерді утилизациялау бағдарламасы мен жеңілдік беретін сертификаттарға жұмсалып жатыр.
Естеріңізге сала кетейік, Қолданыстан шыққан автокөліктерді утилизациялау бағдарламасы Қазақстанда 2016 жылдың қараша айында іске қосылды.
Комментариев: 0