Бүгін, 28 қаңтарда «Жасыл Даму» АҚ ресми мәлімдеме жасады:
«ӨКМ операторы» ЖШС-не қатысты құзырлы органдар тексеру жүргізіп жатқандықтан және өндірушілердің кеңейтілген міндеттемелерін басқару функциясын бұрынғы оператордан «Жасыл Даму» АҚ басшылығына беру процесі аяқталмағандықтан мына қызметтер уақытша тоқтатылды:
- утилизациялық алым жинау;
- ВЭТС/ВЭССХТ * қабылдау;
- ескі техника өткізген азаматтарға өтемақы төлеу;
- қалдықтарды жинау, тасымалдау және өңдеумен айналысатындарға субсидия беру;
- Экологиялық кодексте көзделген өзге де қызметтер«.
«Жасыл Даму» ұйымдастырушылық-құқықтық процестер аяқталып, «ӨКМ операторының» серверлік бағдарламасын толық қолға алғаннан кейін утилизациялық алым жинау мен утилизацияға ескі техника қабылдау қайта жалғасатынын хабарлады.
Демек утиль алымы төленбеген авокөліктерді қазірше тіркеуге болмайды.
24 қаңтарда «Жасыл Даму» утилизациялық алым жинау қайта басталғанын хабарлады.
Алымның жаңа мөлшері әлі талқыланып жатыр.
Бұған дейін ескі көлік, трактор, комбайнды қайта өңдеуге қабылдау және ескі техника өткізген азаматтарға өтемақы немесе жеңілдік сертификатын беру келесі аптада қайта жалғасады деп хабарланған еді. Бірақ ол да кейінге шегерілетін секілді.
* ВЭТС/ВЭССХТ — керектен шыққан көлік/керектен шыққан ауыл шаруашылығы техникасы.
Комментариев: 0