Денсаулық сақтау министрі Ажар Ғиният мәжілістегі үкімет сағатында медициналық сақтандыру қорында ақша тапшы екенін айтты.
«Қазір 3.3 млн адамда сақтандыру жоқ. Олар нақты тұрақты табысы жоқ, міндетті медициналық сақтандыру жүйесінен тыс қалған жұмыссыз немесе өзін-өзі жұмыспен қамтыған азаматтар», — деді бас дәрігер. Министр өзін өзі жұмыспен қамтыған азаматтарды жарна төлеуге мәжбүрлеу үшін олардың медициналық көмек немесе кейбір мемлекеттік қызмет алу мүмкіндігін шектеуді ұсынды. Мысалы, көлік жүргізу немесе қару сақтау құқығынан айыру.
Денсаулық сақтау министрлігінің баспасөз қызметі алда заңнаманы өзгерту жөнінде ұсыныс енгізетінін хабарлады.
«Бұл норма халық сақтандыру ақысын төлеп, медициналық көмек алуы үшін қажет. Батыс елдерінде медициналық сақтандыру төлеген адам ғана өзге құқықтаға қол жеткізе алады», — деп жазды министрлік.
Комментариев: 0