Көлік министрлігі республикалық маңызы бар Қандыағаш — Мақат трассасына жаңа жүйе енгізу туралы бұйрықты өзгертті. Құжатқа сәйкес бұл тасжолдағы ақылы бөлік 90 шақырымға ұзарады, сондай-ақ енді жеңіл автомобиль жүргізушілері тегін жүре алмайды. Бұған дейін жүк көлігі мен автобустар ғана ақша төлейтін.
Құжат 2026 жылы 15 қарашада күшіне енеді.
Сол күннен бастап сома мынадай болады:
- жеңіл автомобиль үшін үшін алдын ала төлем — 0.0554 АЕК (2026 жылы 239 теңге), кейінгі төлем — 0.0639 АЕК (276 теңге);
- орын саны 16-дан аспайтын автобус және 2.5 тоннаға дейін жүк көтеретін жүк көлігі үшін алдын ала төлем — 0.6114 АЕК (2644 теңге), кейінгі төлем — 0.7179 АЕК (3105 теңге);
- орын саны 32-ден аспайтын автобус және 5.5 тоннаға дейін жүк көтеретін жүк көлігі үшін алдын ала төлем — 1.2313 АЕК (5325 теңге), кейінгі төлем — 1.4465 АЕК (6256 теңге);
- орын саны 32-ден көп автобус және 10 тоннаға дейін жүк көтеретін жүк көлігі алдын ала төлем — 1.8427 АЕК (7970 теңге), кейінгі төлем — 2.1686 АЕК (9379 теңге);
- 10 тоннадан 15 тоннаға дейін жүк көтеретін жүк көлігі үшін алдын ала төлем — 2.4626 АЕК (10 560 теңге), кейінгі төлем — 2.8972 АЕК (12 530 теңге);
- тіркемесі барын қоса алғанда, 15 тоннадан артық жүк көтеретін жүк көлігі, ершікті тартқыш үшін алдын ала төлем — 3.0761 АЕК (13 304 теңге), кейінгі төлем — 3.6172 АЕК (15 644 теңге).
Жеңіл автомобильге арналған абонемент құны — 1 жылға 1 АЕК (4325 теңге). Айлық абонемент жоқ.
Басқа көлік түрлеріне арналған абонемент жүк көтергіштігіне байланысты бір айға — 1–5 АЕК, бір жылға 12–60 АЕК болады.