Kia Seltos-тың жаңа буыны Қазақстанға келді

Kia-ның Қазақстандағы зауытында жасалатын екінші буындағы Kia Seltos екі қозғалтқыш алады. Біріншісі — вариатормен жұптаса жұмыс істейтін 115 ат күшіне ие 1.5 литрлік MPI. Екіншісі T-GDI және 8 сатылы автоматпен жабдықталады. Турбомотордың қуаты 150 немесе 200 ат күшіне тең.

1 / 5

• 
• 
• 
• 
• 

1 / 5

Турбоүрлемді нұсқа атмосфералы модификациядан 1 млн теңге қымбат. T-GDI агрегатымен қозғалатын машинаның толық жетекті түрленімі бар, ал MPI тек алдыңғы жетекті.

Базалық Luxe комплектациясында Android Auto және Apple CarPlay-мен жұмыс істейтін 27 дюймдік мультимедиа экраны, алты динамик, матамен қапталған орындықтар, кондиционер, рөл мен орындық жылытқыш бар. Қауіпсіздік жүйелерінің қатарына жарықдиодты, бірақ рефлекторлы фара, жүргізуші ассистенттерінің кешені және алдыңы эйрбэгтер кіреді. Қозғалтқыш түріне қарай бағасы — 10 990 000 немесе 11 990 000 теңге. Мұндай көлік тек алдыңғы жетекті.

Орташа Prestige-дің бағасы — 11 690 000–13 390 000 теңге. Ол 150 ат күшін беретін турбомотор алады және толық жетектісін таңдауға болады. Жабдықтар тізіміне алты қауіпсіздік жастығы, круиз-бақылау, тұрақ сезгегі, артқы көрініс камерасы, бөлек климат-бақылау, жасанды былғарымен қапталған орындықтар, «жылы опциялар» пакеті және Smart Key кілтсіз ашу жүйесі қосылды. Проекциялық LED шам тұр.

1 / 5

• 
• 
• 
• 
• 

1 / 5

Үздік Premium 13 490 000–13 990 000 теңге тұрады. Ол тек 150 ат күшіне ие T-GDI-мен жүреді. Жетек түрін клиент өзі таңдайды. Автомобиль орындық желдеткіш, әйнек шатыр, Bose премиум аудиожүйесі, айнала шолу камерасы және бейімді круиз-бақылау, автоматты тежеу, жолақта ұстау жүйесін алған ADAS қауіпсіздік жүйесін алады.

Топтаманың бірінші сатысында дизайны ерекше X-Line тұр. Бағасы — 15 490 000 теңге. Марка кроссоверге жоғарыда аталған барлық жабдық, 200 ат күшіне ие T-GDI турбомотор және толық жетек жүйесін орнатқан. 18 дюймдік жеңіл құйма дискілер 215/55 R18 өлшемді шинамен қапталған. Қалған комплектацияларда 215/60 R17 өлшемді шина мен 17 дюймдік диск тұр. Салонда проекциялық HUD дисплей, электрондық трансмиссия селекторы және ADAS жүйелері бар. Машинаны кілтпен басқарып, қашықтан тұраққа қоюға болады.