2023 жылға арналған көлік салығын 2024 жылғы 1 сәуірге дейін төлеу қажет. Салық сомасын есептеу үшін былтырғы айлық есептік көрсеткішті (3450 теңге) пайдаланасыз.
Салық сомасын қалай білуге болады
Калькулятор арқылы өзіңіз есептей аласыз:
- Kolesa.kz сайтындағы арнайы бөлім;
- kgd.gov.kz web-порталы;
- e-Salyq Azamat мобильді қосымшасы.
Салықты мемлекеттік кірістер органы қызметкерлері есептеп, оны төлеу туралы ақпаратты 15 наурыздан кейін «Каспи банк» АҚ және «Халық Банк» АҚ мобильді қосымшалары арқылы PUSH хабарлама түрінде жібереді. Сондай-ақ оны kgd.gov.kz web-порталындағы «Жеке тұлға төлейтін төлем» бөлімінен,
Салықты қалай төлейді
Жоғарыда аталған мобильді қосымшалар және eGov.kz порталы арқылы онлайн төлеуге мүмкіндік бар.
Уақытында төлемесе не болады?
Салық төлеуді «ұмытқан» жүргізушіге 2 сәуірден бастап берешек туралы хабарлама келеді. 1 АЕК-тен (3450 теңге) асатын қарыз туралы хабарлама жіберген сәттен 30 жұмыс күні өткенде автоматты түрде салық бұйрығы шығады. Борышкер салық бұйрығын алған соң 5 жұмыс күні ішінде қарызын төлемесе, іс сот орындаушысының қолына өтеді. Ол борышкердің мүлкі мен банк шотын бұғаттап, шетелге шығуына шектеу қояды. Сондай-ақ салық сомасына өсімпұл мен сот орындаушының қызмет ақысы қосылады.
Комментариев: 0