Үндістанда Suzuki e-Vitara алғандар қосымша ақы төлейді

Toyota Urban Cruiser-мен бір платформаны бөлісетін батареялы Suzuki e-Vitara кроссовері 17 ақпанда Үндістанда саудаға шықты. Жаңа өнім барынша арзан болу үшін бренд арнайы төлем түрін ұсынады.

1 / 5

• 
• 
• 
• 
• 

1 / 5

Үндістанда едәуір ірі әрі жақсы жабдықталған Suzuki e-Vitara-ның бағасы 1 099 000 рупиядан (5.94 млн теңге) басталады. Ол алдыңғы жетекті әрі Үндістан нарығына арналғандықтан арзан емес, бұл — модельдің батареясыз құны. Клиент аккумулятор блогын ұзақ мерзімге жалға алады және әр жүрген 1 км үшін 3.99 рупия (21.6 теңге) жұмсайды.

Мұнда халық бір жылда орта есеппен 10–18 мың шақырым еңсереді. Демек жыл сайынғы жалдау құны 39.9-71.8 мың рупияға (215.8-388.4 мың теңге) жетеді. 160 мың шақырымдық толық ресурсты пайдалану ақысы 638.4 мың рупияны (~3,45 млн теңге) құрайды. Машинаны қуаттауға кететін электр энергиясына бөлек төлеу керек (қарапайым бекетте 1 км үшін 1.5–2 рупия, ал жылдам станцияда 2.7–3.3 рупия кетеді).

Электромобиль батареясын жалға беру идеясын Suzuki-дің Үндістандағы бөлімшесі ойлап таппаған. Мұндай тәсілді бірнеше жылдан бері Nio қолданып келеді. Бірақ Қытай маркасы батарея блогын жалға алуға мәжбүрлемейді, көлік иесі ай сайын төлем жасап, аккумуляторды жылдам ауыстыру станциясын опция ретінде пайдалана алады.