Жаңа көлік наурызда жарыққа шығады. Әзірше өндіруші екі прототиптің тұмшаланған суретін жариялап, біраз ақпарат берді.
Škoda Kushaq шағын модельдерге арналған MQB-A0 платформасында жасалады. «Кушактың» (санскрит тілінде «патша») ұзындығы — 4256 мм, ал ось арасындағы қашықтық — 2671 мм.
Алдыңғы жетекті автокөлік екі турбомотормен ұсынылады. 110 ат күшіне ие 1.0 литрлік, 150 ат күшін беретін 1.5 литрлік қос қозғалтқыш 6 сатылы механикамен не автоматпен, сонымен қатар 7 диапазонды DSG робот қорабымен жұмыс істейді.
Kushaq жарықдиодты оптикамен, Climatronic климат жүйесімен және ірі сенсорлы дисплейі бар мультимедиа жүйесімен жабдықталады. Көмекшілер тізімінде ESC, өрге көтерілгенде және биіктен түскенде көмек беретін жүйе, круиз-бақылау бар. Базалық нұсқасына алты қауіпсіздік жастығы орнатылады.
Škoda Kushaq алдымен Үндістан тұрғындарына сатылады, кейін шетелдік нарыққа да шығады.
Комментариев: 0