Қараша айының басында ҚР президенті Қасым-Жомарт Тоқаев жанармай саудагерлерінің тәбетін тежеу керек екенін айтып, бағаны реттеуді қайта қолға алуды ұсынған.
Бірақ бүгін сенаторлармен кездесуде Энергетика министрі Мағзұм Мырзағалиев президент тапсырмасын орындау мүмкін емес екенін айтты.
«Жанар-жағармай бағасы реттелмейді. Оны реттеу мүмкін емес, өйткені мына екі мәселені есте сақтау керек: әлемдік Brent бағасына тәуелсіздік және мердігер бағасы. Мұнда қалыптасқан үлкен айырмашылық болмауы керек. Биыл елде дизель тапшы болды. Оның бір себебі — көрші елдермен салыстырғанда бағада үлкен айырмашылық болуы», — деп түсіндірді энергетика министрі.
Оның айтуынша, жағдайды реттеу үшін министрлік елдегі үш мұнай өңдеу зауытының жөндеуге жабылатын уақытын нақтылауға және материалдық-техникалық база қорын қалыптастыруға дайындалып жатыр. Сондай-ақ мұнай базаларына есептегіш орнату арқылы бақылау күшейтіледі әрі осы жұмыстардың бәрін жыл соңына дейін жүзеге асыру жоспарланып отыр.
Айта кетейік, қарашада дизельден кейін бензин де қымбаттап кетті.
сұмырайлар