2018 жылдың 10 қазанынан бастап тұрақ аумағында 15 минут ақысыз тұру мүмкіндігін тәулігіне үш реттен артық пайдалана аламайтынын Халықаралық Алматы әуежайының баспасөз қызметі хабарлады.
Баспасөз қызметінде заңсыз такси жүргізушілері 15 минуттық ақысыз тұрақты пайдаланып, клиент іздеу мақсатында әуежай аумағына тәулігіне 40 ретке дейін кіретін болған. Ал бұдан былай әр автокөлік үшін оның кіру және шығу уақыты дербес белгіленетін болады. Одан кейін әр кіргені үшін жүргізушінің аумақта болған уақытына байланысты белгіленген тариф бойынша ақы төлеуіне тура келеді. Бұл ретте, тұрақты пайдалану ақысын әзірше өсірмейді екен.
Осы орайда айта кететін жәйт, әуежай тұрағын ақысыз пайдалану мөлшерін шектеудің жауыр болған мәселені шеше қоюы екіталай сияқты. Тәжірибе көрсеткендей, олардың көбі әр 15 минут сайын шлагбаумнан шығып кетпей-ақ, жайбарақат қону аймағында тұра береді. Жан-жақты алып қарасақ, олар тұрақты пайдаланғаны үшін төлем жасаудың өзгеше бір схемасын қолданатын сыңайлы.
Есесіне, жартылай ресми такси («Яндекс», т.б. сынды) қызметі 10 қазаннан бастап ең кемі 300 теңгеге қымбаттауы мүмкін, өйткені, соңғы соманы шлагбаум арқылы өткені үшін де беру қажет болады.
Комментариев: 0