Мамандар пандусты толық қалпына келтірген жоқ, жоғарғы алаң мен кіреберіс қазіргіден кеңірек болады. Мұнда атқаратын жұмыс жетерлік, аралық бөлігі жаңарған алаңға қосылуға тиіс, дегенмен екінші қабаттан оң жақты бойлай кіруге жағдай жасалған. Бұл негізгі тұрақ төңірегіндегі көлік нөпірін біршама азайтады. Кейінгі кезде әуежай аумағынан өту де, мұнда көлік қою да үлкен мәселеге айналған еді. Кептеліс салдарынан автобустар аялдамаға жете алмай қиналса, қалай болса солай тұрған жеңіл машиналар жүруге мүмкіндік бермейтін.
Жұмыс бітпегендіктен, жол таңбасы мен тіреулер арасындағы түсіндірме жазулар уақытша тұр деп топшыладық. Жол жабынындағы жазуға мән берсек, әуежай басшылары жүргізушілерге 3.28 белгісінің мұнда көлік қоюға тыйым салатынын ескертпек болған сияқты, ал сары түсті бүтін сызық (1.4) мұнда тіпті тоқтауға тыйым салады. Негізі 3.28 белгісімен қатар сары түсті үзік сызық (1.10) салу керек.
Алматы әуежайын жақсарту процесі жалғасып жатыр.
Комментариев: 0