Түркия жаңа электрокарын Лас-Вегаста көрсетті

Бұрын T10X кроссоверімен ғана танылған түркиялық Togg бренді Лас-Вегастағы CES көрмесінде батареялы T10F седанын таныстырды. Осы жылдың аяғына қарай көлік өз елінде, Германияда саудаланып, басқа Еуропа елдеріне де шығады.

1 / 5

• 
• 
• 
• 
• 

1 / 5

Седан сырттай кроссоверге тән стильде жасалғанмен, өлшемінің T10F шанағына сәйкес өзгеруі ойға қонымды көрінеді. Жаңа машинаның капотын өзіне тән қатпармен, алдыңғы бамперін диодты ендірмелермен әрлеп, артқы тіреуіне айрықша белгі салыпты. Седанның радиатор панелінде кроссовердегі тік ламель жоқ, ол ықшам кескінін сақтап қалды.

Салонының суреті әлі жоқ, бірақ алдыңғы панель мен орталық консольде бірнеше дисплей болады.

Көлік үш түрлі күштік құрылыммен шығады. Базалық нұсқасы 52.4 киловатт батареясы бар артқы осьте тұратын мотормен (218 а.к.) жүреді. Қымбатырақ седанға 88.5 киловатт аккумулятор орнататындықтан, жүріс қоры 350-ден 600 шақырымға артады. T10F-тің үздік нұсқасы 435 ат күшін беретін екі мотормен жабдықталады, алғашқы жүздікті 4.6 секундта еңсереді. Екі моторлы Togg-та 530 шақырым жүруге қауқарлы сыйымдылығы жоғары батарея болады.

Togg машинаны Германияда ғана емес, Франция, Италия, Нидерланд және Швецияда сатпақшы. Жоспар бойынша 2025 жылы Еуропа нарығына кіруге тиіс. Оған дейін компания электрокарды толық құрастырып, EuroNCAP сынағынан өтуді ойлап отыр. T10F сынақтан 5 жұлдыз алатындай жобаланып жатыр.

Мехмет Гюркан Каракаштың айтуынша T10X Түркияда танымал кроссовер атанды. Машина 2023 жылдың наурызында сатыла бастады, содан бері 20 мың автомобиль өтіпті. T10X-ке Түркия президенті Режеп Тайып Эрдоған мен Қасым-Жомарт Тоқаев та иелік етеді.