Түркі мемлекеттері ұйымының оныншы саммитіне келген Режеп Тайып Ердоған біздің президентке Togg T10X электромобилін сыйлады. Түркия бұл модельді былтыр қарашада ресми шығара бастаған.
Мемлекет басшысы T10X-тің дәл қай нұсқасын алғаны белгісіз, дегенмен біз сөз етіп отырған машина жалпы 430 ат күшін беретін екі электромотормен және 88.5 кВт·сағ батарея блогымен жұмыс істейтін жақсы жабдықталған түрленім сияқты. Өйткені одан бөлек топтамада 210 ат күшіне ие бір мотормен жабдықталған көлік қана бар.
Қасым-Жомарт Тоқаев Эрдоғаннан Togg T10X алған алғашқы президент емес. Түркия басшысы бұған дейін Катар әмірі мен Әзірбайжан, Өзбекстан басшыларына осындай көлік сыйлаған.
Анықтама ретінде: Togg — түріктің ұлттық автомобиль бренді. Жобаны бірнеше компания 2017 жылы қолға алған. Арасында тіпті сыра қайнататын Anadolu Group бар екен. Машинаның алғашқы концептісін 2019 жылы Pininfarina ательесі жасады. Зауыт құрылысы да сол кезде басталды.
Комментариев: 0