Келеңсіз оқиға кеше, сағат 10:00 шамасында Саттарханов көшесінде болды. ҚР ІІМ ТЖК-нің баспасөз қызметі хабарлағандай, қонақ үйлердің бірінің аумағында тұрған ЗИЛ өртеніп, артынша ондағы газ баллон жарылды. Қонақ үй шатырын шарпыған өрттің жалпы аумағы 1 400 шаршы метрді құрады.
«ТЖ нәтижесінде Орталық ауруханаға өрт сөндіру қызметінің төрт маманы жеткізілді. Бірінің бұғанасы сынған, ал қалған үшеуі күйіп қалған. Өрт сөндірушілердің жағдайы орташа», — деді түркістандық дәрігерлер. Олардың айтуынша, өрт салдарынан 11 адам зардап шеккен, алты адамға алғашқы көмек көрсетіліп, амбулаторлық ем алуға жіберілді. Оқиғаның себебін жергілікті ТЖК мамандары анықтауда.
Комментариев: 0