Дүйсенбі күні кешкі жеті шамасында Новосібірдегі Гусинобродское тас жолында орналасқан газ құятын бекеттен өрт шығып, артынан бірнеше күшті жарылыс болды.
Ресей ТЖМ Новосібір облысындағы Бас басқармасы басшысының орынбасары Евгений Лебедев мәлімдегендей, өрттің шығуына отынды стационар ыдысқа толтырып жатқанда газ тасымалдаушы көліктің жерге тұйықталмауы себеп болған.
Ал жергілікті тұрғындар бұл бекет бұрынғы автоцистернадан (газ таситын көлік) жасалғанын айтады. Яғни машинаның дөңгелектерін алып тастап, цистернаны жерге қойған да, газ толтыратын құрылғыны қосқан. Содан кейін сұйытылған пропан-бутан сата бастаған.
Дереккөз берген мәлімет бойынша өрттен 35 адам жарақат алған, олардың 20-сы күйікпен ауруханаға түсті, арасында екі өрт сөндіруші бар. Кем дегенде он адамның жағдайы ауыр. Медицина қызметкерлері емханаға келіп жатқандар әлі де бар екенін айтады. Кейбірін сол маңнан өтіп бара жатқан жүргізушілер ауруханаға жеткізді.
Комментариев: 0