2024 жылы Maserati 260 млн еуро шығындалды, марка 11 300 автомобиль сатқан, бұл бір жыл бұрынғы көрсеткіштен екі есе кем деп жазды Bloomberg. Әдетте бренд спорткарларының 40 %-ын АҚШ тұрғындары алады. Биыл сәуірден бастап кеден салығы өседі, соған байланысты клиент одан әрі азайып, шығын артуы мүмкін.
Stellantis концерні іс насырға шаппай тұрып жол табуға тырысып жатыр, сол мақсатта Maserati мен Alfa Romeo-ға (ол да қиындықтан көз ашпай жүр) қатысты жаңа стратегия әзірлеу үшін бизнес проблемаларын шешуге көмектесетін McKinsey & Co компаниясын жалдады.
Тығырықтан шығу үшін Fiat кезінен бірге келе жатқан осы екі компания бөлінеді деген болжам бар. Содан соң концерн саудасы тәуір «Альфаны» (былтыр 65 000 автомобиль саудалаған) дамытуға күш салады. Ал «Мазерати» жаңа қожайын іздейді.
Комментариев: 0