Toyota Қытайға арналған электрлі седанын таныстырды

Toyota былтыр қарашада bZ7 индексті электромобильдің концептісін көрсетіп, оны биыл серияға шығармақшы болған. Қыркүйекте Toyota мен GAC бірлескен кәсіпорын bZ7 туралы толық ақпарат беріп, алғашқы суреттерін жариялады.

1 / 9

• 
• 
• 
• 
• 
• 
• 
• 
• 

1 / 9

Сериялық bZ7-нің сырт келбеті прототипке ұқсайды, бірақ дәстүрлі айна, қарапайым есік тұтқалары және өзгеше жарық техникасын алды. Ұзындығы — 5130 мм, дөңгелек базасы — 3020 мм, салмағы 2.3 тоннаға жетпейді.

Жаңа өнім Huawei әзірлеген 278 ат күші бар электромотормен және CALB-Tech жасаған батареямен жабдықталады, бірақ сыйымдылығы әзірге белгісіз. Жүріс қоры да аталмады. Бұл ақпарат көлік саудаға шығар алдында белгілі болуы мүмкін.

Салоны Toyota-ның басқа электромобильдеріне ұқсас стильде жасалған. Интерьерінде шағын экраны бар цифрлық аспаптар панелі және 14.6 дюймдік мультимедиа дисплейі бар. Медиакешен Huawei HarmonyOS операциялық жүйесімен жұмыс істейді, смартфон, автомобиль және ақылды үй техникасын біріктіретін Xiaomi экожүйесімен үйлеседі.

Ресми премьерасы мен саудаға шығатын мерзімі әзірге белгісіз.