14 желтоқсанда Toyota электромобиль саласын дамыту бойынша жоспарын таныстырды. Автоконцерн құр сандар және уәдемен шектеледі деп күтілген, бірақ Акио Тойода жұрт назарына 2030 жылға дейін шығатын 15 түрлі Toyota және Lexus концептісін көрсетті.
Болашақта жарық көретін электромобильдер арасында әртүрлі сегменттегі модельдер бар. Атап айтқанда, қалаға арналған шағын көліктерден бастап, кроссовер, коммерциялық фургон, FJ Cruiser ізбасары, пикап және бірнеше спорткар кездеседі.
Қазіргі сәтте бірнеше көлік туралы ғана мәлімет белгілі. Концептілер арасында bZ4X пен Lexus RZ 450E сериялы өндіріске дайын, олардың ресми тұсаукесері жақында өтеді. Екі модель бір платформаны бөліседі.
Toyota ұзын капотының жиегінде Lexus эмблемасы бар ірі купе туралы да азырақ мәлімет берді. Ол алғашқы жүздікті екі секундта алады, жүріс қоры 700 шақырымға жетеді.
Toyota 2030 жылға қарай жылына 3.5 миллион электромобиль сатуды жоспарлап отыр. Осы мақсатта компания саланы дамытуға 35 миллиард доллар бөледі. Онжылдықтың соңына дейін модельдік топтама жоғарыда аталған концептілерден бөлек, басқа да бірқатар машинамен толығады. Жалпы саны 30-ға жетеді. 2030 жылға қарай Lexus Еуропа, АҚШ және Қытайда толықтай экологиялық таза брендке айналады.
Комментариев: 0