Chery 1500 шақырым жүре алатын гибрид седан әзірлеп жатыр

Компания сериялық Fulwin A9-дың суреттерін, техникалық сипаттамасын жариялады. Бұл модель топтамадағы ең ірі төрт есікті көлік атанады. Chery үлкен гибрид седан туралы жоспарын алғаш рет 2023 жылы мәлім еткен, бірақ саудаға шығатын мерзімін атамады.

Сырт келбеті компанияның басқа модельдерінен өзгеше. Арнайы жарық техникасымен ерекшеленеді. Дәстүрлі радиатор торы жоқ, оның орнына жарықдиодты бүтін панель тұр. Автомобиль динамикалық сұлба алған, жасырын есік тұтқасымен және артқы бөлігіндегі хроммен біріккен моношаммен жабдықталған.

1 / 5

• 
• 
• 
• 
• 

1 / 5

Салонында физикалық батырмалар жоқ. 15.6 дюймдік ортаңғы сенсорлы экран, 23 динамик, хош иіс шығаратын климат-бақылау және 2-деңгейлі автономды жүргізуші көмекшілері бар. Массаж, жылжымалы табалдырық, айнала шолу камерасы, автоматты тұраққа қою және дыбыс көмекшісі сияқты интеллектуалды функциялар болуы ықтимал.

Бренд Fulwin A9-дың өлшемдерін ресми жарияламады, бірақ алдын ала мәліметтерге сүйенсек, ұзындығы — 5 метрге жуық, дөңгелек базасы — 3 метр. Гибрид күштік құрылымы 143 ат күшін беретін 1.5 литрлік бензинді мотор мен 204 ат күшіне ие электрлі қозғалтқыштан тұрады. Электр қуатымен шамамен 200 км жүре алады, жалпы жүріс қоры — 1500 км. Кейінірек толық жетекті және қуатты нұсқалары шығуы мүмкін.

Chery бұл седанды алдағы айларда сата бастайды деген болжам бар.