Toyota Еуропада Toyota Land Cruiser Prado-ның жаңа түрленімін таныстырды, ол мұнда «әдеттегі Land Cruiser» ретінде сатылады. Жол талғамайтын көлік дизель-электрлі күштік құрылым алады. Бұл түрленім 2026 жылдан бастап Еуропада дизельді «Прадоның» орнын басады. Бағасы қазірше белгісіз.
Гибрид күштік құрылым қарт құрлықта қазір сатылып жатқан Land Cruiser Prado-ның 2.8 литрлік дизельді моторына электрлі қондырма қосу арқылы жасалған. Дизельді қозғалтқыш 204 ат күші мен 500 Нм береді. Қосымша 48 вольтты стартер-генератордың арқасында агрегат қуаты 16 ат күші мен 65 Нм артады.
Мұндай агрегат электр қуатымен жүруге мүмкіндік бермейді, бірақ машинаны іске қосқанда және жолсыз жермен қозғалғанда көмектеседі. Сондай-ақ рекуперация жүйесінің жұмысын қамтамасыз етіп, «Cтарт-стоп» жүйесі аясында дәстүрлі моторды іске қосу барысын жеңілдетеді. Электромотор отын шығынын 10 % азайтады. Машина сыйымдылығы 4.3 Ah, салмағы 7.6 келі болатын шағын литий-ионды батареямен жабдықталған.
Toyota күштік құрылымды электрлеу Land Cruiser Prado-ның жол талғамайтын мүмкіндігіне кері әсер етпейтінін айтты. Мысалы, дизельді-электрлі машина әдеттегі «Прадо» сияқты 700 мм өткелден өте алады.
Комментариев: 0