Биыл көктемде Chery-дің құрамына кіретін Jaecoo, Omoda маркаларын жеткізу құқығын Astana Motors алғаны белгілі болды. Бұрын бұл қызметті Aster атқаратын. Компания AMMKZ зауытында көлік құрастыруға ниетті екенін де сол кезде жеткізді, маусымда өндіріс желісін дайындау үшін Қытайдан арнайы команда келді. Тамыздың орта тұсында бірнеше модель құжат алды.
Jaecoo брендінің Қазақстанда конвейерге тұратын алғашқы өнімдері J5 кроссовері (ұзындығы – 4300 мм, дөңгелек базасы – 2620 мм) мен J7 гибриді (ұзындығы – 4500 мм, дөңгелек базасы – 2672 мм).
Стандарт J7 186 ат күшін беретін және 7 сатылы DCT роботымен жұмыс істейтін 1.6 литрлік мотормен жүрсе, бензоэлектрлі модификация 143 ат күшіне ие қозғалтқыш пен 204 ат күшін беретін электромотордан тұратын параллель-тізбекті күштік құрылым алады. Электр қуатымен машина 106 шақырымды еңсереді.
Жергілікті кәсіпорын құрастырған Jaecoo осы тамызда саудаға шығады.
Комментариев: 0