Toyota ірі электрокарын сата бастады

Компания Қытайда bZ5 индексі бар кросс-купені саудаға шығарды. Бұл модель Toyota-ның осы нарықтағы ең үлкен электрокарына айналды. Бренд оны жергілікті серіктестерінің қатысуымен әзірледі. Бес есікті көліктің бір ғана қозғалтқышпен жүретін төрт комплектациясы болады. Бағасы — 129 800-159 800 юань (шамамен 9.2–11.3 млн теңге).

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Toyota bZ5-тің экстерьері бұрын жарық көрген bZ3-ке ұқсайды, бірақ одан да, Toyota-ның алғашқы электромобилі bZ4X-тен де айтарлықтай үлкен. Өлшемдері — 4780 × 1866 × 1510 мм, дөңгелек базасы — 2880 мм.

bZ5 екі түрлі аккумулятормен жабдықталады. Сыйымдылығы үлкен нұсқаны бренд тек ең қымбат модельге орнатады. 65.28 және 74 киловатт батареяларды BYD жеткізеді. Жүріс қоры 550 және 630 шақырымға жетеді. Аккумулятор 90 кВт ток қабылдай алады, 30-дан 80 %-ға дейін толтыру үшін 27 не 29 минут кетеді.

Автомобиль BYD-дің бір моторымен жүреді, сондықтан кросс-купе тек алдыңғы жетекті. Агрегат 272 ат күшін (330 Нм) береді. Аспасы толығымен тәуелсіз.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Жабдықтар тізіміне 21 дюймдік дискілер, тоғыз қауіпсіздік жастығы, 15.6 дюймдік үлкен ортаңғы дисплейі бар мультимедиа және 10 динамиктен тұратын JBL акустикасы, ультракүлгін сәуленің 99.9 %-ын өткізбейтін 1.44 шаршы метрлік панорамалы шатыр кіреді. Хош иіс шығаратын климаттық жүйе бар. Базалық комплектацияда Toyota Safety Sense кешені болады, ал қымбат көлік Momenta стартапының 544 TOPS есептеу қуаты бар чип, 33 сезгек және лидарға негізделген жүйесін алады.

Болашақта бренд Қытай нарығына Шанхай автосалонында көрсеткен bZ7 деп аталатын электрокарын ұсынады. GAC компаниясымен бірлесіп жасалған бес метрлік седан танымал Toyota Camry-дің батареялы баламасына айналады.