Аустралияның Drive басылымына берген сұхбатында Toyota Australia сату бөлімінің басшысы Шон Хэнли жүк көлігі мен үлкен жол талғамайтын көлік үшін дизель «өте сенімді отын» болып қала беретінін айтты.
Топ-менеджердің пікірінше дизельді қозғалтқыш қолданыста қалу үшін оны қатал шығарынды стандартына бейімдеу керек. Сондықтан Toyota жақында 2.8 литрлік 4 цилиндрлі турбодизельдің жұмсақ гибрид нұсқасымен жүретін Hilux пикабын шығарды.
Хэнли синтетикалық дизельді дәстүрлі моторда қолдану мүмкіндігін жоққа шығармайды. Toyota іштен жанатын моторды сутегімен жұмыс істейтіндей сақтап қалуға тырысып жатыр. Сол үшін GR Yaris және GR Corolla прототиптері жарыс трассасында сынақтан өтуде. Бір-екі ай бұрын компанияның басқарма төрағасы Акио Тойода мамандар іштен жанатын қозғалтқыштың жаңа топтамасын жасап жатқанын хабарлады.
Ал Еуропа мен Қытай сияқты автобизнес үшін маңызды аймақтарда дәстүрлі моторы бар автомобильдердің саудасы жылдан жылға төмендеп келеді. Еуропа автоөндірушілер қауымдастығы былтыр электромобильдер ЕО-да дизельді көліктерден бірінші рет басып озып, жалпы саудасы 14.6 % құрағанын жариялады. Гибридтің үлесі 25.8 %, қосылатын гибрид — 7.7 % болды.
Комментариев: 0