Toyota Celica сынақтан өтіп жатыр

Toyota концерні Celica, MR2 сияқты аңызға айналған бірнеше моделін қайта жаңғыртады деген ақпарат тарағалы көп болды. Спорткарлар 400–600 ат күшіне ие су жаңа 2 литрлік G20E турбомоторымен жүреді екен, машиналар толық жетекті болады әрі моторы ортада орналасады.

Жаңа автомобильдердің бірінің WRC-ге арналған түрленімінің прототипін 2026 жылдың басында жолдағы сынақ кезінде фотографтар байқаған. Енді камуфляжсыз, агрессивті бастырық және салондағы қауіпсіздік қаңқасымен жабдықталған екі есікті модель Жапониядағы жарыс трегінде көзге түсті.

Fuji Speedway автодромында жүрген жаңа Celica-ның прототипі ме, әлде болашақ MR2 ме, белгісіз. Жапониядағы басылымдар алдымен Celica жарық көреді деп санайды. Bestcarweb машинаның тұсаукесері 2027 жылдың басында Токио автосалоны аясында өтуі мүмкін деп болжады.

走行動画 pic.twitter.com/5LxZVE7FCC

— ∬なのぽよ∬🧪🗿 💬🔁💙 𝙉𝙚𝙭𝙩→？ (@You_SuiKoyoAZ) July 22, 2026