Тоқсаныншы жылдардағы ең жылдам суперкар аукционға шығады

Танымал коллекционер Брюс Канепа құрған калифорниялық компания ерекше Jaguar XJ220-ны сатуға қойды. Модель сирек кездеседі (280 данасы шыққан). ХХ ғасырдың басында әлемдегі ең жылдам суперкар атанған, оның үстіне машина өте жақсы сақталыпты. 1993 жылдан бері көлік небәрі 25 шақырым жүріп өтті, бірнеше мың долларға сатып алған иелері «ягуарды» бірде-бір рет өз мақсатында қолданған жоқ.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Британиялық марка Jaguar XJ220-ның арқасында суперкар өндірушілер арасында өз орнын тапқысы келген. Өндіруші бастапқыда машинаны жоғары жылдамдыққа арнап шығарды. Компания оны алғашында 6.2 литрлік V12-мен жабдықтауды көздеген, бірақ сериялы нұсқаға 3.5 литрлік турбоүрлемді V6 орнатты.

Бұл Jaguar-дың осы конфигурация бойынша жасаған алғашқы қозғалтқышы деседі. Агрегат 550 ат күші мен 645 Нм береді, бұл әу бастағы V12-ден әлдеқайда қуатты. Сондай-ақ Jaguar XJ220 прототипі толық жетекті еді, бірақ сериялы көлікте бұл жүйе болған жоқ.

Соған қарамастан суперкар әлемдегі ең жылдам автомобиль атанды, сынақ кезінде купе жылдамдығы сағатына 341.7 км-ге жетті. Арада бірнеше жыл өткенде McLaren F1 бұл нәтижені жаңартты. Бірақ Jaguar нәтижесі Гиннестің рекордтар кітабына енді.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

XJ220-ның нарықта жолы болмады: ел арасында мақтауын асырғандар көп болғанымен, сатып алушы аз болды. Бұған оның жоғары бағасы мен 1990 жылдардағы рецессия әсер етті. Компания небәрі 280 (кей деректе 281 немесе 282) көлік шығарды. Біз 223 нөмірлі машина туралы сөз етіп отырмыз.

Бұл «ягуарды» швейцариялық тапсырыс берушіге арнап жасаған. Суперкар иесі коллекция жинағанмен, оны айдамаған, тек көпшілікке көрсетумен шектелген. Jaguar XJ220 жеке коллекцияда 17 жыл тұрды. Артынша бірнеше адамның қолынан өтіп, 2021 жылы желтоқсанда Брюс Канапе иеленді.

Бірегей автомобиль бағасын қазіргі иесі нақты алатын адамға айтуға дайын, бірақ миллион доллардан асып түсуі ықтимал деген болжам бар.