Алматыдағы Төле биді ұзартуға қатысты жобалық жұмыстар 60 %-ға аяқталды. Жұмысты толық бітіру шілдеге жоспарланған. Tengrinews.kz хабарлағандай, көше батыс бағытта Наурызбай ауданының орталығында орналасқан Нұрлы көшесіне дейін жалғасады. Нұрлы көшесін де оңтүстікке қарай Абай даңғылына дейін және солтүстікке қарай Райымбек даңғылына дейін ұзарту ойластырылды.
Одан бөлек, Наурызбай ауданында Абай даңғылын ұзарту жұмыстары жүріп жатыр. Қазіргі уақытта тұрғындардан алынған жерде құрылыс нысандары бұзылып, Әуезов (Әшімов) көшесімен қиылысатын тұсқа жолайрық салынуда. Даңғыл қала шекарасына дейін, әрі қарай Үлкен Алматы айналма жолына жалғасады.
Комментариев: 0