— Көпшілікті неліктен жол таңбалары қыстың аяғында/ерте көктемде, яғни жол біршама құрғақ әрі таза кезде салынбайды деген сұрақ мазалайды, — деп жазды ол Facebook парақшасында. — Таңба салу үшін жүргін бөліктің, яғни асфальт бетінің температурасы 10 градустан жоғары болуы тиіс, сол себепті біз таңбаларды жоғарыда аталған уақыт аралығында саламыз.
Шендінің айтуынша, биыл 15 наурызда басталған негізгі және аудандық деңгейдегі 54 көшедегі жол таңбасын жаңарту жұмыстары 20 маусымға дейін жалғасады. Сонымен қатар, 29 тамызға дейін жазда орташа жөндеу жұмыстары жүргізілетін 19 көшеге жол таңбалары салынады.
Сондай-ақ әкімнің орынбасары 10 тамызға дейін қалада 2-3 мың жол белгілері орнатылатынын айтып, қала тұрғындарынан өшіп қалған жол таңбалары, істен шыққан бағдаршам, қисайып қалған жол белгісі жайлы ақпараттарды Open Almaty немесе Instagram арқылы хабарлауды сұрады.
Осы сұрақтар бойынша тәулік бойы қолжетімді +7 (777) 005 86 00 және +7 (727) 292 60 68 нөмірлері арқылы «СМЭУ Алматы» ЖШС мердігерлік ұйымының кезекшілеріне, +7 (747) 605 60 57 (тәулік бойы) және +7 (727) 272 02 99 (жұмыс уақытында) нөмірлері арқылы Қалалық мобильділік басқармасына хабарласуға болады.
Комментариев: 0