Даңғылды Қажымұқаннан Достық — Чайкина қиылысына дейін ұзарту жоспарланып отыр. Tengrinews.kz хабарлағандай, құрылыс жұмыстары 2021 жылы басталады, егер жұмысшыларға кедергі келтіретін 270 жер телімі уақытында сатып алынса, 2022 жылы аяқталуы тиіс.
Жөнделетін жол аумағына кіретін нысандардың нақты саны белгісіз, ол автожол жобасы бекітілгеннен кейін анықталады. Жауапты мекеме мамандары жобада көпір салу қарастырылмағанын және қазіргі уақытта жобалық-сметалық құжаттар әзірлеуге конкурс жарияланғанын хабарлады. Бұл қызметті шенділер 85.714 млн теңгеге бағалап отыр.
Естеріңізге сала кетейік, алдағы үш жылда Алматыда Саин көшесі Рысқұловтан Ақын Сара көшесіне дейін; Абай даңғылы Момышұлыдан Қалқаман шағын ауданындағы Әуезов көшесіне және Әуезовтен қала шекарасына дейін; Нұрлы көшесі Сәбденовтен Райымбекке дейін, Төле би Яссауи көшесінен қала шекарасына дейін ұзартылады. Одан бөлек, қалада бірнеше жолайрық салынуы тиіс.
Комментариев: 0