Tesla АҚШ-та тағы сервистік кампания жариялайды

Tesla тағы ірі сервистік кампания жариялауға дайындалып жатыр. 2012 жылдан бері зауыттан шыққан Model S пен Model X, Model 3 пен Model Y, тіпті тұсаукесері жақында өткен Cybertruck-тан ақау табылған.

Абырой болғанда, машина иелеріне төніп тұрған қауіп жоқ. Ұлттық жол қозғалысы қауіпсіздігі әкімшілігі (NHTSA) таратқан ақпарат бойынша аспаптар панеліндегі бірқатар индикация параметрі АҚШ-та қолданылатын стандарттарға сай емес. Нақтылай кетсек, ABS шамдары мен тұрақ тежеуішінің пиктограммасы тым ұсақ екен.

Tesla иелеріне арнайы орталыққа барудың қажеті жоқ. Бағдарламалық жасақтаманы мамандар қашықтан орнатады.