Алматы әкімі Ерболат Досаев Медеу ауданы тұрғындарымен кездесуде қала ауасын тазарту жоспарын айтты. Әкімнің сөзінше тұрақ ақысы айтарлықтай өседі. Бағаны өзгерту туралы ұсыныс Қоғамдық кеңес пен мәслихатта талқыға түседі. Автотұрақ 1 шілдеден бастап қымбаттауы мүмкін.
Сондай-ақ қала билігі таза аймақтарды
"Транспорт қаңқасының негізі 2026 жылдың аяғына қарай қалыптасады деп болжап отырмыз, алғашқы шектеу 2027 жылдан бастап күшіне енеді. Оны төлем арқылы енгіземіз. Яғни, Алматыда тіркелген машина заманауи экологиялық стандартқа сай келмесе, белгілі бір аймақта, мысалы, Шығыс айналма жолмен жүргені үшін ақы төлейді«,— деді Досаев.
Мұндай шектеудің электромобиль мен экологиялық таза көлік құралына қатысы жоқ. Әкім қандай машина экологиялық таза көлік саналатынын нақтылаған жоқ.
Индустрия және инфрақұрылымдық даму министрлігінің «Автожолмен жүретін көлік құралының рұқсат етілген параметрін бекіту туралы» бұйрығына сәйкес елімізде экологиялық класы
Қаланы дамыту бағдарламасында 2025 жылға қарай таза аймаққа кіруді шектеу үшін автомобильге экотаңба жапсыру жоспары болған. Сол үшін былтыр жол ережесіне жаңа жол белгісі қосылуы керек еді. Бірақ ол әлі іске асқан жоқ.
Автомобильге экотаңба қоюға кім жауапты болатыны әлі белгісіз. Машинаның зиян газ мөлшерін тексеру, мәліметтер базасына ақпарат енгізу және экокласы бар стикер жапсыру жұмысын техбайқау бекеттері атқарады деген болжам бар. Бірақ техникалық тексеріс біздің елде қалай өтетінін жұрттың бәрі жақсы біледі.
Комментариев: 0