Мамандар республикалық маңызы бар Самара — Шымкент және Алматы — Ташкент — Термез тас жолдары мен Күйік, Қордай асуларына жүргізушінің көзіне шағылысып, кедергі болатын шам жарығынан қорғайтын 40 мың экран орнатты.
«Қазавтожол» экрандар бөлу жолағы бар жолдарда, бұрылыстарда, өрге көтерілетін және ылдилайтын, сонымен қатар жарық шамы жоқ жерлерде тұратынын айтты. Олар қарсы беттегі көліктердің жарығын бұғаттайды. Соның арқасында қараңғы уақытта трассадағы қозғалыс біршама қауіпсіз әрі жайлы болады.
Жол мамандары жақында көлік көп жүретін Алматы — Қорғасы тас жолы мен «Бурабай курорттық аймағының жолына» да қорғаныс экранын орнатады.
Комментариев: 0