Kia Кореяда EV6-ның жаңарған нұсқасын ұсынды. Электрокардың экстерьері мен интерьері жақсарып, технологиялы шешімдерге ие болды және жаңа аккумулятормен жабдықталды, жүріс бөлігі қайта бапталды. Бренд өз елінде 55.4 млн воннан (17.9 млн теңге) басталатын бағамен тапсырыс қабылдап жатыр.
Электромобильдің алды EV5 және EV9 стилінде жасалған. Көлік өзіндік жүріс шамы бар оптика алды, бампері және радиатор торы өзгерді. Дизайны басқа 19 және 20 дюймдік дөңгелектермен жабдықталды. Басқа жағынан сырт пішіні өзгермеді.
Салондағы негізгі өзгеріс — 12.3 дюймдік панельдерден тұратын сәл иілген дисплей. Рөлі жаңарып, цифрлы артқы көрініс айнасы пайда болды. Медиатехнология жақсарды. Мысалы, навигация жүйесі толыққан шынайылық функциясын алды және бағдарламалық жасақтаманы онлайн жаңартуға болады. Инженерлер жеке баптауларға қол жеткізуге және қозғалтқышты кілтсіз қосуға мүмкіндік беретін саусақ ізін танитын сканер орнатты.
Бұрынғы 77.4 киловатт батареяның орнын 84 кВт⋅сағ аккумулятор басты. Кореяда EV6 тек бір батареямен жабдықталады. Жергілікті нарыққа арналған күштік құрылым жинағы қозғалтқыштары 229 және 325 ат күшін (350 Нм және 605 Нм) беретін моно және толық жетекті нұсқамен шектеледі.
Компания жаңа батареясы бар әр нұсқа үшін жүріс қорының бірнеше көрсеткішін ұсынады, олар жүргізу режиміне және дөңгелек өлшеміне байланысты. Орта есеппен 19 дюймдік дөңгелектері бар бір моторлы EV6 қуаттаусыз 494 шақырым жүреді, 20 дюймдік дискілермен жүріс қоры 456 шақырымға жетеді. Қуатты модификация 461 және 432 шақырым еңсереді. Аккумулятор ауыстыру электромобильдің жүріс қорына шамамен 20 шақырым қосты.
Kia EV6 Қазақстанда 325 ат күші бар бір ғана күштік құрылылыммен және 77.4 киловатт батареямен сатылады. Бағасы 19.5 млн теңгеден басталады. Кроссовердің жаңарған нұсқасы елімізге қашан келетіні әлі белгісіз.
Комментариев: 0