Әлемде келеңсіз жол апаты жиі тіркелетін жерлер аз емес. Мысалы, Санкт-Петербург қаласындағы «ақымақтық көпіріне» 12 жылда екі жүзге жуық «газель» мен жүк көлігі қысылып қалған. Ал Англияда Вудмир авеню деген көше жүргізушілердің бас ауруына айналды.
Мұнда көз тартатын ештеңе жоқ, бірақ оның шағын бөлігін 210 см-ге дейін тарылтып, екі шетіне боллард орнатып қойған. Бастапқыда бұл шара жүк көліктерінің қозғалысын шектеу үшін жасалыпты, алайда ол қазір жеңіл машиналарға да кедергі келтіруде.
Жақын маңдағы камералар тар жолда күнделікті жол апатын тіркейді. Бірнеше аптада мұнда оннан аса жол-көлік оқиғасы болды. Кейін тұрғындар әлеуметтік желіде көшеге арнап жеке парақша ашқан. Қыркүйекте Вудмир авеню шенділердің назарына ілікті.
Комментариев: 0