Tank — пикап шығаратын қытайлық Great Wall компаниясының жаңа маркасы. Брендтің алғашқы моделі орта көлемді Tank 300 (бағасы 27000 доллар) болды. Жақында үлкенірек Tank 600 жарық көреді. Great Wall машинаның суреттерін өткен аптаның соңында жариялады, ресми таныстырылымы 29 тамыздағы Чэнду автосалонында өтеді.
Tank 600 — шанағының ұзындығы бес метрден аспайтын, алдыңғы аспасы тәуелсіз, арт жағына кесілмейтін белдік орнатылған толық жетекті рамалы жол талғамайтын көлік. 3 литрлік бензинді V6 аралас бүрку функциясы және 48 вольт стартер-генератормен жабдықталған. Тоғыз сатылы автоматпен жұмыс істейтін қозғалтқыш 354 ат күші мен 500 Нм момент береді.
Екі қатар орындық қойылған интерьерінің қандай болатыны қазірше белгісіз, бірақ онда толық комплектация мен көмекшілер кешенінің барлық түрі болары сөзсіз. Айта кетерлігі, Tank 600 флагман емес, көп кешікпей Tank 700 және 800 модельдері жарық көреді. Сонымен қатар Cannon пикапының сериялы өндірісі басталады.
Комментариев: 0