Қытайдың Өнеркәсіп министрлігі әдеттегідей жаңа өнімді елден бұрын жария етті. Tank 300-дің ұзарған нұсқасының сертификат дерегі желіде тарады.
Қолда бар мәліметке сүйенсек, автомобильдің ұзындығы шамамен 26 см артқан. Машинаның дөңгелек базасы 3010 мм-ге жуықтады ( әдеттегі Tank 300-де бұл көрсеткіш — 2750 мм). Бамперден бамперге дейінгі қашықтық 4886 мм шамасында. Техниканың ені — 54 мм, биіктігі 24 мм өсті.
Қазірше ұзын Tank 300-дің Hi4-T және Hi4-Z гибрид түрленімдері ғана сертификат алды. Бірінші күштік құрылым 252 ат күшіне ие 2 литрлік турбомотор, 9 сатылы автомат қорап, электромотор және 37.1 кВт·сағ батареядан тұрады.
Бұған дейін Tank 400-де болған Hi4-Z де дәл осы 2 литрлік дәстүрлі мотормен жүреді, бірақ ол екі электромотор және 3 сатылы гибрид қораппен бірге жұмыс істейді. Жүйе 59.6 кВт·сағ батареядан қуат алады, жалпы қуаты 870 ат күшіне жетеді.
Автомобиль басқа радиатор торы, дизайны өзгеше дөңгелек дискісі және лидары бар үздік электрондық көмекшілер жүйесімен де ерекшеленеді.
Комментариев: 0