Tank 400 қуатты гибридке айналды

Great Wall концерніне кіретін Tank маркасы Қытайда 400-дің жаңарған нұсқасын таныстырды. Тек гибридтің экстерьері мен салоны жаңарды, ал мотор гаммасында жаңа агрегат пайда болды. Бұрынғы Hi4-T құрылымына қуатты Hi4-Z қосылды. Жаңа көліктің бағасы мен ішкі нарықта саудасы қашан басталатыны әзірге жарияланған жоқ.

Екі күштік құрылымның құрамында 252 ат күшін (380 Нм) беретін 2 литрлік турбомотор бар. Hi4-T жүйесінде ол 163 ат күшіне ие электрлі қозғалтқышпен, 9 сатылы автоматпен және толық жетек жүйесімен жұптасады. Hi4-Z-тің әр осіне қосымша электромотор орнатылған, жалпы қуаты 870 ат күшіне тең. Tank мұндай көлікті Hi4-T-ге қарағанда қалалық көлік ретінде ұсынды.

Базалық құрылым 37.1 кВт·сағ батарея алады, бірақ бренд Қытайдағы алғашқы дебютінде Tank 400-ді 20 кВт·сағ аккумулятормен көрсеткен. Мұндай гибрид электр қуатымен 105 км еңсереді. 59.05 кВт·сағ батареясы бар Hi4-Z іштен жанатын қозғалтқышсыз 200 км жүре алады.

Автомобильдің алдыңғы бампері ауысып, диодты ендірмелер алды. Мамандар шанағын ерекше күлгін түске бояп, шатырына лидар блогын орнатқан. Салондағы басты ерекшелік — басқаша ортаңғы тоннель. Трансмиссия селекторы рөл жаққа ауысып, оның орнына сымсыз қуаттағыш панелі тұр. Бұған дейін Tank 300 бен Tank 500 осылай түрленген.