Төрт жыл бұрын саудасы төмендегеніне байланысты Subaru Legacy седаны Жапония мен Аустралия нарығынан кетіп, негізгі Солтүстік Америка нарығын сақтап қалды. Көлік Индиана штатының Лафайеттегі зауытында шығатын.
Legacy саудасы тоқырау белгілерін 2020 жылы жетінші буын шыға салысымен бірден көрсете бастады және содан бері тұрақты құлдырауды көрсетіп, жылына шамамен 25 мың автомобиль деңгейінде ауытқып отырды. АҚШ-тағы сауданың соңғы шыңы 2016 жылы болды, сол кезде 65 306 Legacy иесін тапты.
Subaru модель үшін 2025 жыл соңғы болатынын жариялап, бұрынғы танымалдылығын жоғалтқан фаворитті әрі қарай шығармауға шешім қабылдады.
Модельдің мұрагері Outback болып қала береді, ол жеке модель болғанға дейін универсал Legacy-дің көтеріңкі нұсқасы болған.
Комментариев: 0