Subaru электрлі Forester шығарады

Subaru клиенттеріне жаңа батареялы кроссовер ұсынады. BestCarWeb басылымының мәліметі бойынша қазіргі Solterra-дан бір саты жоғары және Forester-дің электрлі баламасы болады. Solterra-дан айырмашылығы, компания бұл электрокарды өзі жасамақшы.

Инсайдерлер жаңа электрлі кроссоверге қай платформа негіз болатынын нақтыламады. Батареялы Solterra Toyota-ның e-TNGA архитектурасында жасалған. Брендтің басқа сериялы модельдері (BRZ-ті қоспағанда) көбінесе гибрид модельге арналған SGP платформасына негізделген.

Жаңа өнімнің жүріс қоры шамамен 700 шақырымға жететіні белгілі.

Forester EV деп аталуы мүмкін кроссовер 2025 жылы жарық көреді деп күтілуде. Кейінірек компания салоны үш қатарлы және қазіргі Crosstrek-пен салыстыруға болатын шағын электрокар шығарады.

Компания 2025 жылдан бастап Жапониядағы екі зауыттың күшін электрлі көлік өндірісіне жұмсамақшы. 2026 жылға Subaru жылына 200 мың электромобиль шығаруға және келесі екі жылда өндіріс көлемін екі есе арттыруға бағытталған стратегия құрып отыр.

Бренд Forester-дің алтыншы буынын былтыр қарашада таныстырды. Кроссовер бұрынғы платформаны және күштік құрылымды сақтап қалды, бірақ құрылымы жаңарды. Мотор гаммасына Toyota-мен бірлесіп жасаған гибрид мотор қосылады. Subaru жаңа электрлі кроссовер шығарса, біраз уақыт кәдімгі Forester-мен қатар сатылады.