— Біз су басуды төтенше жағдай деп есептейміз. Су көлемі біз ойлағаннан көп болып шықты, — деді Көлік министрлігіне қарасты Автомобиль жолдары комитетінің концессия басқармасының басшысы Жандос Игембаев. Оның айтуынша, Көлік министрлігі Төтенше жағдайлар министрлігімен бірлесіп, келер жылы осындай жағдай қайталанбау үшін жұмыс істеп жатыр.
«Қазавтожол» мәліметінше 29 наурызда сағат 01:00-де бес облыста республикалық маңызы бар жолдарда көлік қозғалысы шектелді.
1. Ақтөбе облысы — Қобда ауылын су басуына және көпірге жақын жолдың жартылай бұзылуына байланысты жалпы ұзындығы 1093 шақырымды құрайтын 3 жол.
- Қандыағаш — Ембі — Шалқар — Ырғыз, Қандыағаш пен Ембі шекарасынан Шалқарға дейін және М-32 мен А-26 трассалары көліктің барлық түріне жабық.
- Самара — Шымкент, Батыс Қазақстан облысының шекарасы мен Маржанбұлақ, Қарабұтақ ауылдарынан Қызылорда облысының шекарасына дейін көліктің барлық түріне жабық. «ЭкоОйл» жанармай бекетінен Қарабұтаққа дейін жүк көліктерге жабық.
- Қарабұтақ — Комсомольское — Денисовка — Рудный — Қостанай, Қарабұтақтан Қостанай облысының шекарасына дейін жүк көліктерге жабық.
2. Батыс Қазақстан облысы — Ақтөбе облысында су басуына байланысты жалпы ұзындығы 260 шақырымды құрайтын бір тас жол.
- Самара — Шымкент, Жымпиты ауылынан Ақтөбе облысының шекарасына дейін көліктің барлық түріне жабық.
3. Қарағанды облысы — еріген қар суы және қауіп артуына байланысты жалпы ұзындығы 19 шақырымды құрайтын бір тас жол.
- Қызылорда — Павлодар, 872-ден 891 шақырымға дейін, Красная Поляна ауылынан Құлайғырға дейін көліктің барлық түріне жабық.
4. Қостанай облысы — еріген қар суы және одан қауіп төнуіне байланысты жалпы ұзындығы 161 шақырымды құрайтын 2 жол.
- Қарабұтақ — Комсомольское — Денисовка — Рудный — Қостанай, 234-тен 386 шақырымға дейін, Ақтөбе облысының шекарасынан Денисовка ауылына дейін жүк көліктерге жабық.
- Мариновка ауылына кіреберісте, 0-ден 9 км-ге дейін.
5. Қызылорда облысы — Ақтөбе облысында жолдың жабылуына байланысты жалпы ұзындығы 117 шақырымды құрайтын бір тас жол.
- Самара — Шымкент, Ақтөбе облысының шекарасынан Аралға дейін көліктің барлық түріне жабық.
Жол қызметкерлерінің мәліметінше өткен түнде республикалық маңызы бар 1998 шақырым (жалпы санынан 7.99 %) жолда көлік қозғалысы тоқтады. «Қазавтожолдың» жабық жолдар картасын мына жерден көруге болады.
Комментариев: 0