Батыс аймақтағы халық 20 наурыздан бері Қандыағаш — Ембі — Шалқар — Ырғыз тас жолын жайлаған сумен арпалысып жатыр. Күн күрт жылынып, қардың қарқынды еруі салдарынан су жүргізетін құбырлар жырылып кете ме деген қауіп төнді. Соған байланысты «Қазавтожол» көлік қозғалысын шектеді.
Шығыста да жағдай мәз емес, 26 наурыздан бері Қалбатау — Майқапшағай трассасындағы айналма жолдың бір бөлігі су астында қалды. Ал негізгі магистральді мамандар біраз уақыт бұрын көпір саламыз деп жапқан еді.
Аягөз ауданында асфальтты су шайып, көпір құрылымын зақымдады. Бұл бөлік қазір жабық тұр. Жергілікті билік төтенше жағдай жариялады.
Абай облысына қарасты Ақсуат ауданында Бұғаз өзені арқылы Кіндікті ауылына апаратын көпірдің алдындағы жол су астында қалды. @abainewskz порталы оны айналып өтетін жол жоқ деп жазды.
Дәл осы облыстағы Бородулиха ауданында егістік жақтан келген су ауа жайылып, жұмысшылар асфальт жабынын аршуға мәжбүр болған. Еріген қар суы Семей — Петропавл — РФ шекарасы автожолы арқылы ағып жатыр.
Қарағанды облысына қарасты Осакаров ауданындағы облыстық маңызы бар Осакаровка — Литвиновское — Телман — Молодёжное тас жолын су шайып кетті.
Қазақстанның біраз бөлігінде бүтін бір ауылдар су астына кетіп жатыр. Халықты тікұшақ көмегімен құтқаруға тура келді.
Қостанайда тасқын су малды ағызып әкеткен.
Көктемгі су тасқынына дайындықтың болмауы аудан ғана емес, шеткері ауылдардың да мәселесі көп екенін айқын көрсетті. Ақтөбеде қарғын су стратегиялық нысандарды да айналып өтпеген, мұнда әуежайды су басты.
Ұшақ қонатын жолақта пайда болған көлмен бірнеше арнайы техника 27 наурыздан бері алысып жатыр. Оқиға орнынан түсірген видеодан оның көлемін көруге болады. Жел шығып, толқын көтерілгені де байқалады. Мәселені
Соңында мамандар су ағынына бөгет болған топырақ үйіндісін бұзып, суды басқа жаққа бұрып жіберген.
Ақтөбенің өзінде Нұрситиге апаратын көше бүлінді.
Құзырлы органдар тасқынға байланысты мына аймақтарда төтенше жағдай жариялауды жоспарлап отыр:
Қостанай облысындағы:
- Арқалықта;
- Жангелді ауданында;
- Амангелді ауданында;
- Абай ауданында;
- Аягөз ауданында.
Батыс Қазақстан облысындағы:
- Оралда;
- Теректі ауданында;
- Бөрлі ауданында;
- Қаратөбе ауданында.
Комментариев: 0