Спорткардан жылдам «Жук»

Калифорниядағы қоқыс алаңынан табылған 1975 жылғы VW Beetle-ге Германияның Knepper Bugs & More ательесі екінші өмір сыйлады. Атауы айтып тұрғандай, ателье ескі Фольксваген автомобильдерін әрлеумен айналысады.

Шеберлер «Жукты» тарихи отанына жеткізіп, артқы мотор бөлігіне Tesla Model S-тің электромоторын орнатты. Оның өзі стандарт емес, Porsche Taycan-ның сыйымдылығы 48 кВт⋅сағ болатын 17 аккумуляторлы модуліне бейімделген қозғалтқыш. Нәтижесінде қуаты 50 ат күшінен бірден 12 есе өсіп, 647-ге жетті. Соның арқасында машина небәрі 2.8 секундта жүзге дейін жылдамдық алады, демек ол Porsche 911 GT3-тен 5 секунд жылдам болады.

1 / 24

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 24

Машина тұрақты әрі қауіпсіз жүруі үшін шеберлер аспа мен тежеу жүйесінің көптеген элементін Porsche 944-тен алған, KW және Bilstein компаниясының компоненттерін де пайдаланды. 700 Нм айналу моментіне шыдасын деп Porsche 930-дың кардан білігін қойған.

Ателье салонын асыра сәндеп, құбылтқан жоқ, бәрін қарапайым күйінде қалдырды. Тек BMW 2002 моделінің Recaro креслосын орнатып, қаптамасын жаңартты.

Тіпті алдыңғы панельдегі түпнұсқа аспаптар панелінің бір бөлігі өзгеріссіз қалды. Тек Hi-Fi-аудиожүйесі бар Becker радиоқабылдағышы жаңадан қосылған.

Енді берілісті ортаңғы консольдегі шағын сенсорлы шайба арқылы ауыстыруға болады, бұрын иніртірек тұрған.

1 / 5

• 
• 
• 
• 
• 

1 / 5

Сыртынан қарағанда жалпақ профильді резеңкеге арналған карбон қанаты мен артқы спойлерден басқа, Marathonblau Metallic түсті «Жуктың» (Knepper 1303 RS-E) агрессивті өзгерісін байқау қиын.

Рестомодтың түпнұсқаға қарағанда ең әлсіз тұсы — жүріс қоры. Машина небәрі 250 км еңсере алады, тым жылдам қозғалса, жүріс қоры 100 км-ге дейін қысқарады. Бірақ жыл басында ателье иесі Рудигер Кнеппер осы көлікпен Бельгия, Франция, Испания, Португалия және Люксембургті басып өтіп, 8 мың шақырымды артқа тастады, тіпті Гибралтар бұғазы арқылы пароммен Мароккоға барған.